Ysgoloriaethau Mynediad a Gwobrau Teilyngdod

Ers ei sefydlu ym 1872, mae'r Brifysgol wedi cael nifer o roddion ariannol hael sy'n ei gwneud hi'n bosib iddi roi cymorth ariannol i fyfyrwyr drwy ddyfarnu oddeutu 50 o Ysgoloriaethau Mynediad ac oddeutu 250 o Wobrau Teilyngdod bob blwyddyn.

A ydych chi'n credu bod eich ymdrechion academaidd caled hyd yma'n haeddu cydnabyddiaeth?  Os felly, dylech ystyried gwneud cais am ein Hysgoloriaethau Mynediad a'n Gwobrau Teilyngdod.  Mae ennill Ysgoloriaeth ym Mhrifysgol Aberystwyth yn rhoi'r buddion hyn i chi:

• Hyd at £1,200 BOB BLWYDDYN o'ch astudiaethau

• Sicrwydd cynnig DIAMOD i astudio â ni

• GWARANT o lety yn un o neuaddau'r Brifysgol drwy gydol eich cwrs

Mae myfyrwyr nad ydynt yn cael Ysgoloriaeth, ond y mae eu perfformiad yn yr arholiadau hyn yn haeddu cydnabyddiaeth, yn cael cynnig Gwobrau Teilyngdod sy'n cynnwys: £1,000, sy'n cael ei dalu yn ystod eich blwyddyn astudio gyntaf, ynghyd â chynnig Diamod.

Sut yr wyf yn ymgeisio?

• Mae cystadleuaeth yr Ysgoloriaethau Mynediad a'r Gwobrau Teilyngdod yn gofyn i chi sefyll dau arholiad mewn dau bwnc gwahanol - gellir dewis o blith 36 o bynciau. 
• Cynhelir yr arholiadau ym mis Chwefror bob blwyddyn, ac mae modd eu sefyll naill ai yn Aberystwyth neu yn eich ysgol neu goleg.
• Bydd yn rhaid i chi anfon Ffurflen Gais yr Ysgoloriaethau Mynediad atom erbyn y 15fed o Ionawr.  (Os dewiswch chi brintio a chwblhau'r ffurflen gais hon sydd i'w chael ar y we, byddwn yn cwblhau cerdyn cydnabyddiaeth pan fydd yn ein cyrraedd ac yna byddwn yn ei dychwelyd atoch.  Cysylltwch â ni un wythnos ar ôl anfon eich ffurflen gais os nad ydych wedi cael cerdyn cydnabyddiaeth - dyma'r unig brawf sydd gennych fod eich ffurflen wedi ein cyrraedd).
  Cadarnhaf fy mod wedi darllen a deall yr uchod ag fy mod am lawrlwytho copi o'r ffuflen gais
  
  Ffurflen Gais yr Ysgoloriaethau Mynediad
• Gwnewch yn siwr eich bod chi a'ch Swyddog Arholiadau yn ymwybodol o drefniadau'r arholiadau, pa bapurau arholiad y byddwch chi'n eistedd ayb.
• Dyma ddyddiadau'r arholiadau yn 2012 :

Dydd Mawrth yr 7fed, Dydd Mercher y 8fed a Dydd Iau'r 9fed o Chwefror

• Os ydych yn gohirio'ch cais tan 2013, gallwch sefyll yr arholiadau yn 2012 (a gohirio unrhyw wobr y byddwch yn ei chael) neu ym mis Chwefror 2013.
• Os ydych am gael amcan o'r math o gwestiynau y gallech eu cael, gallwch ddarllen Cyn Bapurau Arholiadau'r Ysgoloriaethau Mynediad .
• Gellir gweld rheoliadau llawn yr Ysgoloriaethau Mynediad a'r Gwobrau Teilyngdod yn y Llyfryn Ysgoloriaethau, Bwrsariaethau a Gwobrau .

Gwybodaeth i Ysgolion a Cholegau