Cynllun Strategol 2009 - 2013

10. Llywodraethu

Bod yn sefydliad ymatebol, effeithlon ac atebol.

1. Targedau

Dyma’r hyn y bydd y Brifysgol yn ei wneud yn ystod y cyfnod hyd at Orffennaf 2010:

• dechrau trefn o fonitro perfformiad y sefydliad gan y Cyngor yn unol â’r Dangosyddion Perfformiad Allweddol y cytunwyd arnynt, 
• cyflwyno system mesur perfformiad ffurfiol ar gyfer y Cyngor a’i Bwyllgorau, 
• cynnal adolygiad o’r gwasanaethau canlynol i’r Brifysgol er mwyn sicrhau bod y Brifysgol yn parhau i gael gwerth am arian: (1) caffael gwasanaethau cyfreithiol a (2) caffael gwasanaethau archwilio mewnol ac allanol.

Dyma’r hyn y bydd y Brifysgol yn ei wneud yn y cyfnod hyd at Orffennaf 2011:

• llunio Strategaeth Gwerth am Arian a’i chyflwyno i Bwyllgor Archwilio y Brifysgol, a hynny er mwyn hyrwyddo darbodusrwydd, effeithlonrwydd ac effeithiolrwydd,
• ceisio lleihau’r gost weinyddol, mewn termau real, am bob myfyriwr sy’n cyfateb i amser llawn (fel y dynodwyd gan CCAUC) er mwyn iddi fod yn £3,850 erbyn 2010/11 (adolygir yn sgil creu Sefydliad y Gwyddorau Biolegol, Amgylcheddol a Gwledig),
• datblygu Strategaeth Gyfathrebu y Brifysgol a’i rhoi ar waith.

2. Risgiau

Mae’r risgiau isod wedi’u nodi ac fe gânt eu monitro a’u rheoli drwy gydol cyfnod y cynllun:

• methu â phenodi i’r Cyngor aelodau newydd sydd â’r cydbwysedd priodol o sgiliau a phrofiad,
• methu â chynnal iechyd ariannol da fel y mae’n cael ei fesur gan y Cyngor Cyllido.

23/06/09