Amdanom ni

Mae'r Brifysgol yn llwyr ymroddedig i flaenoriaethau'r Cyngor Cyllido a Llywodraeth Cymru i ddiddymu'r rhwystrau (naill ai'n ffisegol, gymdeithasol, diwylliannol neu ariannol) i Addysg Uwch.

Mae gan Brifysgol Aberystwyth draddodiad o ymrwymiad i ehangu mynediad ar gyfer grwpiau o bobl sydd wedi'n draddodiadol cael eu tan-gynrychioli yn y sector Addysg Uwch. Sefydlwyd y Ganolfan Ehangu Cyfranogiad a Chynhwysiant Cymdeithasol (y Swyddfa Addysg Barhaus bryd hynny) ym 1998 er mwyn datblygu ar un o amcanion sylfaenol y Brifysgol.  Mae cyrsiau a rhaglenni yn cefnogi pobl o bob oedran o ysgol Gynradd i oedolion yn y gymuned.

Beth allwn ni ei gynnig

  • Cyrsiau/gweithdai yn y gymuned
  • Trefnu ymweliadau i'r campws
  • Rhaglenni ar gyfer plant Ysgol Gynradd (blynyddoedd 5 a 6 mewn ysgolion lleol Cymunedau yn Gyntaf)
  • Gweithgareddau gwyddonol yn yr ysgol a sesiynau gwyddoniaeth i oedolion
  • Cefnogaeth i bobl sy'n gadael gofal a rhieni maeth
  • Cyngor/cyfarwyddiaeth a chyflwyniadau pe dymunir
  • Mentora "ffordd hyn" i israddedigion newydd

Yr Adran yng Nghynllun Strategol Y Brifysgol 2009-2013 sy'n ymwneud ag Ehangu Mynediad

Mae ein Strategaeth Ehangu Mynediad yn canolbwyntio ar chwe phrif amcan ac yn ceisio:

  1. ehangu mynediad ymysg y gymuned leol, yn enwedig Ardaloedd Cymunedau'n Gyntaf ac ardaloedd eraill sydd mewn angen a lle mae cyfranogaeth isel,
  2. codi dyheadau a chyraeddiadau disgyblion ysgol, drwy ddatblygu eu potensial academaidd a sicrhau eu bod yn cyfarwyddo â'r cyfleoedd a gynigir gan Addysg Uwch,
  3. ehangu mynediad i astudio trwy gyfrwng y Gymraeg,
  4. ehangu mynediad i Wyddoniaeth gan feithrin ar lwyddiant y nifer cynyddol o newydd-ddyfodiaid sy'n astudio gwyddoniaeth yn Aberystwyth ac i geisio mynd i'r afael â'r anghydbwysedd rhyw sy'n bodoli mewn meysydd penodol.
  5. gwella cyfraddau cadw a chyraeddiadau myfyrwyr sy'n agored i niwed,
  6. ehangu mynediad i fyfyrwyr o leiafrifoedd ethnig, ffoaduriaid a mewnfudwyr economaidd, rheini sydd ag anabledd, ac eraill lle mae rhwystrau yn eu hatal rhag symud ymlaen i Addysg Uwch.

Edrychwch ar ein cylchlythyr drwy glicio 'CWPSI Llythyr Newyddion yr Hydref 2011'.